Я люблю восень. Восень лепшая, чым зіма і лета. Чаму? Таму што восенню ўжо не так горача, як улетку, але яшчэ не так холадна, як зімой. Ужо няма летняй спёкі, калі хочацца залезці ў халадзільнік і не вылазіць. Але яшчэ не наступілі траскучыя зімовыя маразы, калі і нос страшна на вуліцу высунуць. Увосень часта ідуць дажджы. Я не вельмі люблю восеньскія дажджы. Яны халодныя і калючыя. Пад імі не пагуляеш басанож. Але я люблю сядзець падчас такіх дажджоў дома, закруціўшыся ў плед, папіваючы гарачае какава і чытаючы цікавую кнігу. Восень - прыгожая пара года. Яе нездарма часта называюць залатой. Дрэвы мяняюць свой сумны зялёны ўбор на стракаты: чырвоны, залаты. З дываном з рознакаляровага лісця пад нагамі не параўнаецца ні адзін самаробны дыван самай майстэрскай ткачыхі. Увосень даспяваюць апошнія ягады: журавіны і брусніцы. Я вельмі люблю журавінавы морс. Акрамя таго, восенню расце шмат грыбоў: баравікі, чырвонагаловікі, падбярозавікі і гэтак далей. Мы з бацькамі часта ходзім па грыбы. Гэта весела і карысна для здароўя. Не разумею людзей, якія лічаць восень маркотнай. Мне здаецца, што яны проста не ўмеюць радавацца жыццю.
Мой любімы фільм называецца "Кадры". Гэта новы фільм. Ён выйшаў у пракат у 2013 годзе. Жанр фільма - камедыя. Галоўныя героі - двое немаладых мужчын, якія працуюць мэнэджарамі па продажах. У адзін цудоўны дзень яны застаюцца без працы і аказваюцца перад выбарам: упасці ў роспач ці рызыкнуць. Яны выбіраюць другое і паступаюць на бясплатную стажыроўку ў буйную кампанію, звязаную з камп'ютэрамі. Толькі адна група стажораў пасля заканчэння стажыроўкі атрымае пастаянную працу ў кампаніі. Паколькі ні адзін з герояў нічога не разумее ў камп'ютэрах, ім даводзіцца несалодка. Ўскладняе сітуацыю тое, што група ў іх падабралася з даволі дзіўных хлопцаў і дзяўчыны, з якімі больш ніхто не захацеў мець справы. Але нашы два героя ўсё ж такі прыводзяць сваю групу да перамогі. Адбываецца гэта менавіта дзякуючы таму, што галоўнай сваёй мэтай яны ставілі не перамогу, а яднанне каманды. Фільм вельмі смешны. Акцёры падабраныя на здзіўленне ўдала. Рэкамендую гэты фільм усім, хто хоча ад душы пасмяяцца.
0,0(0 оценок)
Полный доступ
Позволит учиться лучше и быстрее. Неограниченный доступ к базе и ответам от экспертов и ai-bota
Оформи подписку
