Я вельмі люблю наш школьны двор. Гэта не проста пляцоўка, гэта цэнтральнае месца ўсіх падзей школьнага жыцця. Бо падумайце: куды бегаюць школьнікі ў цёплае надвор'е абмеркаваць на перапынках свае справы? На двор! Так, школьны двор гэта незвычайна займальнае месца для назіранняў. Давайце паглядзім.
Вось звініць званок з другога ўрока ўсе ў двор. І пачынаецца: хто ў разіначкі скакаць, хто кветачкі на клумбах паліваць, хто абмяркоўваць, ці справядліва яму паставілі адзнаку, а хто з старшакласнікаў і ... папаліць. Усе занятыя, бо двор вялікі, усім месца хапае. Выходзячы са школы, мы бачым справа і злева дзве квітнеючыя клумбы, за якімі пастаянна даглядаюць.
Калі вучню захочацца пятнаццаць хвілін ўласнага адпачынку пранесці пасярод зеляніны, не выходзячы за межы школьнага двара, ён можа прайсці за школу, у сад. Там вырастаюць фруктовыя дрэвы, квітнеюць кусты, вельмі шмат бэзу! Пабегаеш пасярод гэтай прыгажосці і стомленасць як рукой здымае, можна зноў прыступаць да ўрокаў.
Наш школьны двор цудоўна прыгожы: ён камфортны, ясны і прасторны. Я б ні за што ня абмяняла яго на тысячы іншых школьных двароў!
