Нәруыздыӊ бірінші реттік құрылымында аминқышқылдары ретпен бір — бірімен берік ұзын тізбек құрап орналасады. Бірінші реттік құрылымындағы аминқышқылдарыныӊ ретпен орналасуы басқа нәруыз молекуласында қайталанбайды. Мұныӊ өзі бір нәруыз екінші нәруыздан аминқышқылдарыныӊ орналасу ретіне байланысты ажыратылатындығын дәлелдейді. Сондықтан жасушада жүздеген нәруыз молекуласы болады. Олар құрылымдары жөнінен бір — бірінен айқын ажыратылады. Бірінші реттік құрылымы толық зерттелген нәруызға мысал ретінде инсулин гормонын қарастырайық. Инсулин гормоны екі полипептидтік тізбектен — А және В-дан тұрады. А тізбегі 21 аминқышқылдарыныӊ қалдығынан, ал В тізбегі 30 аминқышқылдарыныӊ қалдығынан тұрады.Бір назар аударатын жағдай — В тізбегініӊ бірінші реттік құрылымы барлық жануарларда бірдей болады.
