составить 5 во к тексту
Мәтінмен жұмыс: мәтінді оқып, 5 сұрақ қойыңдар.
Адамдар әр елде әрқалай киінеді. Сондай-ақ бір елдің ішінде адамдардың жасына қарай киімдері де әртүрлі болады. Соның ішінде, әсіресе, жастар киімі айрықша әсерлі. Мұның өзі жастық кезеңнің әсемдікке жақын болуымен байланысты. Жастық дегеннің өзі сұлулық. Жас адамның өңі де, дене қалпы да, мінезі де, әрекеті де, ой арманы да, сөзі де, киімі де – бәрі-бәрі сұлу. Жастықтың сұлулығын оның, әсіресе киімі арттырып тұрады. Жастардың киімі көбінесе ықшам және ашық түсті болады. Бойжеткендер әсерлі киінгенді ұнатады. Жігіттер жеңіл киінеді. Жастар, әдетте, маусымдық сәнге құмар. Қыздар талғамдысына ұмтылса, ер балалар арзандауын да кие береді.Жастар киімінің сәнділігімен бірге, оның денсаулыққа зиян болмайтындай жағы да қарастырылады. Бұл тұрғыдан алғанда, жастар киім таңдағанда, көшеге киініп шыққанда ауа райын да ескерулері керек. Бір сөзбен айтқанда, жастар киімі өздеріне жарасымды, қолайлы, ауа райы ескерілген, денсаулықты қорғайтын, сәнді болғаны дұрыс. Ал киімнің сапасы, төзімділігі, арзан-қымбаты әркімнің өз мүмкіндіктеріне байланысты.
