дам 20Б
Текстны укыгыз һәм биремнәрне үтәгез.

1) Борын заманда табигать патшасы чәчәкләр арасында хәбәр тараткан:
2) – Озакламый яз җитә. 3) Сезнең арагыздагы иң матур чәчәккә Җир өстендә тантана итү, кешеләрне беренче булып куандыру мөмкинлеге бирәчәкмен, – дигән.
4) Чәчәкләр арасында бәхәс купкан. 5) Һәркайсы иң беренче булырга теләгән.
6) – Мин барыгыздан да матуррак. 7) Мин язның беренче чәчәге булырга тиеш! – дигән ромашка. – 8) Минеке кебек ак таҗлар кайсыгызда бар соң?
9)Кыңгырау чәчәк аның белән килешмәгән:
10) – Мин бер чыңласам, бөтен дөнья ямьгә күмелә. 11) Беренчелек миңа булырга тиеш! – дигән.
12) Бәхәскә башкалар да кушылган. 13) Бер-берсен тыңлап та тормыйча, үзләрен мактаганнар. 14) Умырзая гына бер читтә басып торган, бәхәсләргә кушылмаган.
15) – Әйе, сез барыгыз да матурлар, кирәклеләр икәнсез. 16) Ләкин тыйнаклык – ул үзе иң зур матурлык. 17) Арагыздагы тыйнак умырзаяны мин язның беренче чәчәге итеп билгелим, – дигән табигать патшасы.
18) Менә шул көннән бирле, җир өстендә карлар эреп беткәнче үк умырзая шытып чыга. 19) Үзенең тыйнаклыгы һәм матурлыгы белән кешеләрне куандыра. (Вакытлы матбугаттан)

1. Исем нәрсәләр белән төрләнә?
А) килеш, тартым, дәрәҗә
Б) килеш, тартым, сан
В) килеш, сан, барлык-юклык

2. “Авылыбызның ямен, суы тәмен беләм” җөмләсендә ничә исем тартым белән төрләнгән?
А) дүрт исем тартым белән төрләнгән
Б) ике исем тартым белән төрләнгән
В) тартымлы исемнәр юк

3. Синоним сыйфатлар булган рәтне билгеләгез.
А) карт, яшь, чибәр
Б) матур, кызыл, түгәрәк
В) шатлыклы, сөенечле, куанычлы

4. Рәвеш ясаучы кушымчалар:
А) –ча/-чә, -дай/-дәй, -тай/-тәй
Б) –лы/-ле, -сыз/-сез
В) –ган/-гән, -ды/-де, -ачак/-әчәк
5. Сәбәп-максат рәвешләрен билгеләгез.
А) югары, ерак, озак
Б) тиккә, бушка, юри
В) бертавыштан, быел, хәзер

6. Сан төркемчәләре ничә?
А) биш
Б) алты
В) җиде

7. Билгесезлек алмашлыкларын күрсәтегез.
А) һичкем, бернәрсә, берни
Б) минеке, аныкы, безнеке
В) әллә кем, әллә ни, кемдер

8. Кайсы кушымчалар шарт фигыльнеке?
А) –са/-сә
Б) –учы/-үче
В) –ган/-гән

9. Кайсы рәттәге җөмләдә аваз ияртеме бар?
А) Арагыздагы тыйнак умырзаяны мин язның беренче чәчәге итеп билгелим, – дигән табигать патшасы.
Б) Хәтирә кайнап торган ак самоварын лык итеп өстәлгә кертеп утыртты (А. Гыйләҗев).
В) Минеке кебек ак таҗлар кайсыгызда бар соң?

10. Теркәгеч булган җөмләне билгеләгез.
А) Бер-берсен тыңлап та тормыйча, үзләрен мактаганнар.
Б) – Әйе, сез барыгыз да матурлар, кирәклеләр икәнсез.
В) Үзенең тыйнаклыгы һәм матурлыгы белән кешеләрне куандыра.

2нче бүлек
11. 5 нче җөмләдәге санның төркемчәсен языгыз.
12. 15-17нче җөмләләрдән ясалма исемнәрне язып алыгыз.
13. 4-8нче җөмләләрдән чагыштыру дәрәҗәсендәге сыйфат булган җөмләнең номерын билгеләгез.
14. 10 нчы җөмләдәге калын хәрефләр белән бирелгән фигыльнең төркемчәсен языгыз.
15. 1-3нче җөмләләрдән бәйлек сүзне табып языгыз.
16. 4-7нче җөмләләрдән хәбәрлек сүзне табып языгыз.