Mashq. Matnni o'qing. Chama sonlarni aniqlang va o'zi bog'langan so'zlar bilan ko'chirib yozing.
Chimyonga sayohat
Anvar aka jiyani Otabekni ta'til vaqtida Chimyon sayohatiga olib chiqdi. Ertalab soat yettilarda yo'lga chiqib, taxminan bir soatcha yo'l bosishgach, Chimyonga yetib kelishdi. Otabek bunday xushmanzara yerlarni birinchi marta ko'rishi edi. Anvar aka rangli bo'yoqlar bilan to'rt-beshta manzara rasmini chiza boshladi. Otabek esa atrofni tomosha qildi. Tog' tepasiga qarab ketgan so'qmoq yo'lda yigirma-o'ttiztacha tog' echkisi o'tlab yurardi. Ikki-uchta cho'pon bolalar ularga qarab yurardi. Ular Otabek bilan deyarli tengdosh yoki bir-ikki yosh kattaroq bolalar edi. Shu payt osmonda turli rangda tovlanib turgan kamalak ko'rindi. Otabekning ko'ziga Chimyon yanada go'zal ko'rindi.
