Берілген мәтінді пайдалана отырып, төмендегі сұрақтарға жауап беріңіз
Есімнің ұлы Жөңгір ханның билік құрған кезеңі (1629-1652 жылдар) жоңғарларға қарсы күреспен өтті. Жеке ерлігі мен әскери жеңістері үшін қазақтар оны «Салқам Жәңгір» деп атады. Қазақ ханы қалмақтармен күресте Қашғария моғолдарынан қолдау тапты, қырғыздармен одақ құрды.
Осы кезеңнен мағлұмат беретін деректер де қазақтар мен ойраттар арасында бірнеше ірі шайқастардың болғандығы аталып өтеді. Соның бірі 1643 жылғы шайқас. Жау шапқыншылығы туралы хабарды алған Жәңгір оларға қарсы шықты. Жәңгір хан Дала өңірі үшін озық жаңа әскери әдістерді пайдаланып, Орбұлақ шайқасында жеңіске жетті. Сол кезеңдегі орыс құжаттары бойынша, Жәңгір өз адамдарының жартысына «от қарумен» тау арасындағы өткелде ор қазып бекінуге бұйырады. Ал өзі үш жүз адаммен тауда жасырынады. Ойраттар шатқалға енген кезде оларды бораған мылтық оғы қарсы алды. Жау дүрлігіп есі шықты, осы сәтте тылдан Жәңгірдің өзі соққы берді. Қазақ сарбаздарына Самарқан билеушісі Жалаңтөс батыр 20 мың адамымен көмекке келді. Ойраттар талқандалып, он мыңдай адамынан айырылып, кейін шегінді. Жәңгір хан 1643-1644 жылдардағы шайқаста шешуші жеңіске жетті.
