Мәтіндер қандай сипатта жазылған

Бесікке салу — нәрестені алғаш бесікке бөлеу рәсімі. Бесікке саларға шақырылған ауыл-үйдің әйелдері шашуын, жол-жоралғысын ала келеді. Баланы алғашқы бөлеу үлгілі ұрпақ өсірген қадірменді әйелге тапсырылады. Ол өзінен басқа тағы бір-екі келіншектің көмегімен бесікті жабдықтайды, сәбидің әжесі не шешесі түбектің тесігінен балаларға тәтті үлестіреді. Осыдан кейін бесікті отпен аластап, баланы бөлейді. Бесікке салған әйелдерге көйлек, жаулық сияқты сый тартылады. Үлкендер батасын беріп, баланың ер жетуіне, ананың үбірлі-шүбірлі болуына тілектестік білдіреді. Және Бесік жыры айтылады:

Айыр қалпақ киісіп,

Ақырып жауға тиісіп,

Батыр болар ма екенсің?

Бармақтарың майысып,

Түрлі ою ойысып,

Шебер болар ма екенсің?

Таңдайларың тақылдап,

Сөзіңді жұрт мақұлдап,

Шешен болар ма екенсің?

Тағы бір нұсқасы:

Әлди-әлди ақ бөпем,

Ақ бесікке жат бөпем

Жылама, бөпем, жылама,

Жілік шағып берейін.

Байқұтанның құйрығын

Жіпке тағып берейін.

31 желтоқсан күні жаңа жылға санаулы сағаттар қалғанда Оралға дейін әлі жарты күндік жол қалып еді. Жаңа жылды пойызда қарсылаймыз деп вагон ішін әдеміледік. Безендірдік. Жайнаттық. Әрі кілең жастар. Үлкендердің өзі де жаңа жылға айрықша дайындық жасап, тәтті-пәттілердін вагон үстеліне шығарып жатты.  Ақтөбеде әпкем бар еді. Ілбіп Ақтөбеге жеткенімізде мені қоярда-қоймай пойыздан түсіріп алып қалды. «О несі-ей, жыл бойы жолда жүрейін деп пе ең?!»деп әзілдеп қояды.  Сөйтіп, ойда-жоқта жаңа жылды Ақтөбеде қарсы алдым.  Демалыстан Алматыға келген соң, Елдостан сұраймын ғой: "Қалай қарсыладыңдар? Не қызық болды пойызда?«деп. „Жолсерік жаңа жылды тойлап мас болып ұйықтап қалды, сосын жолсеріктің орнына жүрдім“деп қалжыңдайды ))