Робот қоршаған әлеммен әрекеттескен кезде адамның (жануарлардың) қызметтері мен іс-әрекеттерін ішінара немесе толық атқарады. Алғашқы роботтар адамның қозғалысы мен сырт пішінін қайталады. Олар ойын-сауық мақсаттарында пайдаланылды. Қазіргі кезде тұрмыстағы көптеген қызметтерді атқаратын, қадағалайтын, мүгедектер мен сәбилерге көмекші, көңілін аулайтын, т.б. роботтар жасалынды, интеллектуалдық роботтар да пайда бола бастады. Робот техниканың дамуы барысында адамдарды бір сарынды ауыр жұмыстардан, жоғары радиациялы, жоғары немесе төмен температура жағдайларындағы және адам қатынауы қиын жерлердегі (су астында, ғарышта) жұмыстардан босататын автоматтық құрылғылар мен механизмдер түрінде жасалып, олар үнемі жетілдіріле түсуде. Мұндай құрылғылар мен механизмдер өнеркәсіптік роботтар деп аталады. Өнеркәсіптік роботтар – өндіріс процесінде адамның қозғалу және басқару сияқты іс-әрекеттерін (өндіріс заттарының орнын ауыстыру т.с.с.) және технологиялық құралдардың (айла-тетіктердің) қызметтерін орындайтын автоматтық машина.
Қазақстанда Қызыл кітап 1978 жылдың қаңтарында үкіметтің шешімімен құрылды. Одан кейін оның бірінші бөлігі, оның ішінде омыртқалылар: 87 түрі мен кіші түрлері, оның ішінде балық - 4, амфибия - 1, бауырымен жорғалаушылар - 8, құс - 43, сүтқоректілер - 31; олар екі санатқа бөлінген - сирек кездесетін және қауіпті. Айта кетейік, бұл Кеңес Одағындағы алғашқы Қызыл кітап болды. 1985 жылдың қаңтар айынан бастап Ғылым академиясының Президиумы жанынан Қызыл кітапқа арналған зоологиялық комиссия жұмыс істей бастады, оның құрамына әртүрлі ғылыми-зерттеу институттары, университеттер мен мемлекеттік экологиялық органдар өкілдері кірді. Болашақта Қызыл кітап туралы ережеге сәйкес, бұл комиссия Қазақстанның Қызыл кітабының екінші және үшінші басылымдарын дайындауға басшылық етті.
