Мәтіндегі негізгі ақпаратты анықта. «Адам көркі – шүберек, ағаш көркі – жапырақ» деген мақал баршаға белгілі. Жарасымды киім адамды өз ортасында тартымды етеді. Адам өзінің дене бітіміне сай киімді таңдап, талғап киюі керек. Әр адамның талғамы әр түрлі. Киім таңдауда киімнің матасы, сапасы, түсі, өлшемі маңызды рөл атқарады. Біреулер үстіндегі киімдердің бос болғанын қаласа, енді біреулер киімнің денеге жақын болғанын қалайды. Сонымен қатар таңдау жасауда киім стильдеріне де көңіл бөлген жөн. Негізгі стильдер: классикалық, романтикалық және спорттық болып бөлінеді. Қалған стильдер осы үлгілердің негізінде пайда болған.
