1. Сұлтан 1993 жылы БҰҰ Бас Ассамблеясы 15 мамырды Халықаралық отбасы күні деп бекітіпті. Өте орынды жасалған шешім. Отбасында адам бойындағы асыл қасиеттер қалыптасады. Отанға деген ыстық сезім жақындарына, туған-туысқандарына деген сүйіспеншіліктен бастау алады. Мен үшін отбасының маңызы зор. Әулеттегі немеренің үлкені болғандықтан, ата-әжемнің бауырында өстім. Ата-әжемді құрметтеймін, әке-шешемді сыйлаймын. Үлкен шаңырақта тәлім алғандықтан, мені бәрі құрметтейді. Сол үшін де мақтанамын. 2. Арай «Отбасы күні» біздің қоғамымызда ерлі-зайыптылар жауапкершілігінің маңыздылығын сөзсіз мойындауға ықпал етеді. Туған шаңырақтан алған тәрбие – барша халқымыздың бақуатты да табысты болашағының кепілі. Әр отбасының өзіне ғана тән дәстүрі, құндылықтары бар екендігін ұмытпауымыз керек. Немерені ата-әжесіне беруден гөрі әр бала өз әке-шешесінің бауырында болғандығы дұрыс деп ойлаймын. 3. Дархан «Отбасы күнінің» еш маңызы жоқ. Үлкендерді құрметтеуден гөрі әр адам өзінің 1- ң ығынан шыға алмай қалды. Отбасылық құндылық деген сөз баланың көлеңкесінде қалып қойды. Керек кезде баланы қайтарып отыру да қажет деп ойлаймын. Қазіргі кездегі жас ата-аналар өсіп келе жатқан баласын тым еркелетіп өсіріп жатыр. Артық мадақтау мен шектен тыс мәпелеуде өскен бала ешқандай еңбектенбей-ақ жетістікке жеткісі келеді. Осыдан мұғалім ескерту жасаған жағдайда жылай салатын әлсіз, өздігінен еш нәрсеге қол жеткізе алмайтын, ерке болып, өзіне сенімсіз бала болып өседі.
