Мәтінді мұқият оқып, тапсырмаларды орындаңыз. Энергияны үнемдеу – көп талқыланатын және маңызды мәселелердің бірі. Әрбір тұтынушы өзінің электр энергиясы шығындары деңгейін бағалап, өзіне: «шығындарды үнемдей отырып, энергия ресурстарын қалай ұтымды пайдалану керек?» деген сұрақ қоюы керек. Мамандардың пікірінше, пәтерді жарықтандыруға электр энергиясының бестен бір бөлігі кетеді. Сарапшылар энергия үнемдейтін шамдарды сатып алуға және А және В кластағы энергия тиімділігі бар тұрмыстық техникаларды таңдауға кеңес береді.
Статистика бойынша үйде шамдар мен шырақ шамдар электр энергиясының 20 пайызын тұтынады, сондықтан қыздыру шамдарын энергия үнемдейтін шамдарға ауыстыру отбасы бюджетіне елеулі үнем әкеледі.
Энергия үнемдейтін шамдар үйреншікті қыздыру шамдарынан 5-7 есе қымбат тұратынына қарамастан, ол айына тек 1,8 кВТ энергияны тұтынады. Ал қыздыру шамын қолданса, электр энергиясын тұтыну айына 9 кВт құрайды.
Энергия үнемдейтін шамдардың ұзақ мерзімге қызмет ету және жоғары жарық беру ерекшеліктері бар. Энергия үнемдейтін шамдар 5-10 жыл, ал қыздыру шамдары 1 жыл қолданылады. Энергия үнемдейтін шамның жоғары жарық беруі ол тұтынатын ең жоғарғы электр энергиясы жарыққа айналатынын болжамдайды, ал қыздыру шамдарындағы электр энергиясының 90 пайызы вольфрам сымдарын қыздыруға, яғни жылытуға кетеді. Энергия үнемдейтін шамдардағы жарық сапасы қыздыру шамдарының жарық сапасынан кем түспейді.

1. Мәтінің негізгі идеясы не? Мәтін қай стиль түріне жатады? [1]
2. Перифразбен берілген сөйлемдердің ішінен мазмұнға сай ақпараттарды анықта. Сәйкес тұжырым тұсына «+»/«-» белгісін қой. [1]
Ақпараттар
+ -
Энергияны үнемдеу – көп талқыланбайтын мәселелердің бірі болып табылады.

Статистика бойынша үйде шамдар мен шырақ шамдар электр энергиясының 30 пайызын тұтынуы мүмкін.

Энергия үнемдейтін шамдардың ұзақ мерзімге қызмет ету мүмкіндікке ие екен.

Энергия үнемдейтін шамдардағы жарық сапасы қарапайым шамдардың жарық сапасымен бірдей екен.

Энергия үнемдейтін шамдар 5-10 жыл, ал қыздыру шамдары 10 жыл қолданылады екен.

Қыздыру шамдарын энергия үнемдейтін шамдарға ауыстыру отбасы бюджетіне оң әсер етеді.

3. Мәтіннен берілген сөздердің антоним жұбын тауып жаз. [1]
1. Үнем –
2. артық -
3. арзан -
4. қысқа -
5. төмен –​