Астана – бас қала
1998 жылы 6 мамырда - еліміз президенті Н.Ә. Назарбаев Ақмола қаласын Астана деп атауға жарлық шығарды. 1998 жылғы 10 маусымнан- жаңа астананың ресми тұсаукесері болып өтті. Содан бері осы күн Астана қаласының туған күні ретінде мерекеленеді.
«Астана-бас қала» - деп айтылуында үлкен сыр жатқан секілді. Ата-анаммен Астана қаласына Қала күнін атап өтуге барғанымда оған мен көз жеткіздім. Жаңа астанада бой көтеріп жатқан көп қабатты үйлер жаңаша сәнмен, ерекше көрікпен салынып жатыр екен. Қаланың әсемдігіне қарап көзің тоймайды. Шет елдердегі қалалар секілді. Жаңа қаланың ортасынан бой көтерген Бәйтеректің, Ақ орданың, Үкімет үйібәрі-бәрі де ерекше сәнмен орын тепкен. Әсіресе алаңқайларға егілген,қазақша өрнекпен бейнеленген қызыл- жасылды гүлдер, жан-жағына салқын леп таратып тұрған түрлі-түсті фонтандар, халқымыздың ертегі-дастандарынан алынған ертегі кейіпкерлерінің мүсіндері менің көз алдымнан ешқашанда кетпейтін шығар. Сонда жүріп жанымда сыныптас достарым болмағанына өкіндім. Мүмкін биылғы оқу жылында сыныпымызбен ұйымдасқан түрде Астана қаласына барармыз деп ойлаймын. Бұл менің ғана емес, көптеген достарымның арманы. Ал жақсы нәрсені армандау, жақсы ниет жасау кез-келегн қазақ баласына тән қасиет.
Қасиетті мекен туған жерді жырына қоспайтын ақын, шығармасында суреттемейтін жазушы кемде-кем шығар. Мұқағали Мақатаев, Қасым Аманжолов, Мағжан Жұмабаев өз өлеңдерінде туған өлкен арқау еткен. Сағынышпен, жүрекпен тебірене жырлаған. Мұқағали Мақатаев тау бөктерінде ер жеткені сонша асқан махаббатпен "Мен таулықпен" дер әсерлі, сыршыл өлеңімен туған жеріне поэзиясынан орын берді.
Сайын Мұратбековтің "Жусан иісі" шығармасында туған жер, ауыл көрінісі керемет суреттеледі. Шығарманы оқып отырып ауылдың қайнаған тіршілігіне, тау бөктеріндегі керемет, сұлу табиғатқа саяхат жасап шыққандай боласың.
