1,2 - практикалық сабақтың тақырыбы: Грамматикалық тақырып: Көп мағыналы сөздер.
Лексикалық тақырып: «Жақсылық – ізгілік бастауы. Қазақстандағы қайырымдылық қорлар».
Сабақтың мақсаты: студенттердіңбойындағысезімталдық,қамқорлық, жанашырлық сезімдерін дамытуға ықпал ету, ниеттес, тілектес, сыйлас болуға тәрбиелеу; Ізгілік, жақсылық туралы ұғымдарын кеңейту; жақсылықты бойларына сіңіруге, жағымды
қарым-қатынас жасай білуге үйрету; сүйіспеншілікке,ойлылыққа, сезімталдыққа тәрбиелеу
Негізгі сұрақтар, тапсырмалар: Әңгімелеу: Жақсылық істеуден жалықпа, Жақсылық істеуден жалықпа, Істеген жақсылығыңа өкінбе!

Ертеде Адам ата өз ұрпағын сынау үшін адамның оң иығына Жақсылықты отырғызып қойыпты.Адам бір іс жасарда Жақсылық « істе » десе,Жамандық « істеме » деп сыбырлайды екен.Сөйтіп,адамның бойында қай қасиет басым екенін байқамаққа оны сапарға аттандырыпты. Адам біраз жол жүріп, өзен жағасымен шаршап келе жатса, судың жағасына шығып қалған балықты көреді. Балық секіріп суға жете алмай жатыр екен. Жақсылық жаны ашып: -А ққа көмектесіп жібер,-десе, Жамандық: -Қой, жөніңе жүре бер, уақытыңды алма,- дейді. А қтан әрірек асып барып, мойнын бұрып қарайды. Балық шарасыздан көзі жәутендеп, көмек сұрғандай болады. Адам шыдай алмай кері бұрылып барып, балықты суға салып жібереді. Балық ризашылығын білдіріп, суда ойнақшып, секіріп, құйрығын бұлғақтатып суға сүңгіп кетеді. Адам одан әрі жүре береді. Бір теректің қасынан өтіп бара жатып, шыр-шыр еткен дауысты естіп тұра қалады. Қараса, кішкене ғана торғайдың балапаны ұясынан құлап қалған екен. Еңкейіп енді көтерейін деп жатса, Жамандық: - Осы торғайдың балапанына бола жолдан қалмақпысың? Оны көтеріп ұясына салу үшін, теректің басына шығу керек. Мерт болсаң қайтесің? Өзің далада ит-құсқа жем боласың ғой,- дейді. Адам ойланып тұрып қалады. Осы сәтте Жақсылық: -Ей, а сен әлсіздерге қорған болып, қол ұшыңды беру үшін жаратылғансың. Мына бейшара балапанды ұясына сала кет. Шарапаты тиеді,-дейді. Адам тағы да шыдай алмай балапанды алып, теректің басына өрмелеп шығып, ұясына салып кетеді. Балапан шиқ-шиқ етіп, қанатын қағып, разы болады. Адам демалып алмақшы болып отыра бергенде, аяғының астында бидайдың дәнін әрең сүйреп бара жатқан құмырсқаны көзі шалады. Құмырсқа дәннің о жақ, бұ жағына шығып, қозғауға ыңғайлы ретін таба алмай, ісі өнбей келеді екен. Адам әуелі Жамандықтың айтуымен құмырсқаны дәннен айырып тастағысы келіп оқталды да, шыр-пыр болған Жақсылықтың сөзіне құлақ түрді. Ол: -Әй, адам-ау, қалай ғана адамдығыңнан айнып кетуге әзір тұрасың. Бұл құмырсқа өзінен үлкен дәнді сүйреп, машақаттанып келе жатқанда қол ұшыңды көрсетіп, жолына салып жіберудің орнына, оны қызықтап, ермек қылғың келгені қалай? Одан да еңбек етуді осы кіп-кішкене тіршілік иесінен үйренбейсің бе?- деп налыған екен. Адам өз ойынан ұялып, райынан қайтады. Сөйтіп, Адам ата ұрпағын алдына шақырып алып: - Міне, балам, жамандыққа ерсең жаман боласың, жақсылыққа ерсең жақсы боласың. Мен саған үш сын бердім, үшеуінен де өттің, разымын. Енді осылай адамдығыңнан айнымай, айналаңа қамқор болып, жаманлдыққа жоламай, жақсылыққа жолдас бол,- деп батасын береді. Содан бері а жақсылықпен мұратына жетеді.
Ой қозғау «Жақсылық – ізгілік бастауы» дегенді қалай түсінесіз? Адам жақсылық
пен ізгі қасиеттерді жасау үшін не істеуі қажет?
Шығармашылық жұмыс.. Жұмыстан келген анасы ұлына:- Ауырып тұрғаным, жата тұрсам ба екен? – деді. -Жата беріңіз, - деді кітаптың қызығына түскен ұлы назар аудармастан. Мамасы төсегіне барып жатты да ұлына көрпенің үстінен тон жаба салуды өтінді. Ұлы орнынан салдыр-күлдір еткізіп ренжи тұрды да үн-түнсіз оның өтінішін орындады. (В. Воробьев) * Бала анасына жанашырлық білдіре алдыма? * Сен оның орнында болсаң не істер едің?
«Тілек ағашы» Сіз соңғы рет өзге адамдарға қандай жақсы, игі іс жасадыңыз? (Тілек ағашында көрсетеңіз).
Әдістемелік нұсқаулықтар: студент тақырып бойынша өзінің терең білімін көрсетуі қажет, сұраққа жауап беруде, талқылау барысында қате жібермеуі тиіс.
Бағалау критерийлері:
Мазмұнын баяндау –
Мазмұнын түсініп, толық баяндау –