Макала: Қазіргі әлемде электр энергиясы шешуші рөл атқарады. Лес Мозли, Апатты жағдаймен күресу орталығы, Ұлыбритания – «Электр энергиясы – өміріміздегі маңызды дүние. Біз ол арқылы теледидар көреміз және визуалды немесе дыбыстық ақпарат көздерінен мәлімет аламыз. Электрсіз қоғамның бүкіл құрылымы бұзыла бастайды.» Электр энергиясын өндіру не себепті үлкен бизнеске айналғанын осыдан-ақ түсінуге болады. Бірақ көп елдерде бәсекелесуші нарық, үкімет және тұтынушы топтар бағаны бақылауды үйренді.
Төмен қаржылық шығын.
Др. Дитер Хелм, Энергия жөніндегі экономист – «Біздің нарық бағаны бекітуге өте жақсы ұйымдастырылған. Сонымен бірге ол электростанцияларды мүмкіндігінше арзан бағамен жұмыс жасату үшін өте қолайлы».
Проф. Ян Феллс, Кеңесші, Әлемдік энергетикалық кеңес – «Электр энергиясы бұрынғыша өте арзан және біз тұрақты байыған сайын оны еселеп тұтынамыз. Біздің тұтынуымыз жыл сайын 1,5%-ға өсіп отыр.» Электр бағасының төмендігі оның көптеп тұтылуын ынталандырады. Бірақ мұның өзге бір жағы бар. Ол – қоршаған орта.
Экологиялық шығындар.
Біз тұтынатын электр энергиясы оңай жинай салатын табиғи, дайын өнім түрінде кездеспейді. Оны өндіру үшін өзге бір энергия көзін қолдану қажет. Әлемдегі электр энергиясының 70 пен 90% аралығындағы үлесі қазбалы отынды жағу арқылы өндіріледі
Осылайша, электр энергиясы экологиялық таза отын болып көрінгенімен, оны өндіруде ғаламдық жылынуға себеп болатын қалдықтар шығарылады. Біз электр энергиясына артып жатқан сұраныстың шығынын өтей алғанымызбен, экологиялық зардаптар шығынын толтыра алмаймыз.