Мектебімдегі Жеңіс күні.
"Ешкім де, ешнәрсе де ұмытылмайды"... Иә, Жеңіс күні мынау байтақ қазақ даласына, қонақжай қазақ халқына үлкен нәубетпен, еңбекпен келді. Елім деген ерлер қан майданда қасық қаны қалғанша соғысса, елде қалғандары бей-жай жатпай, тылда еңбек етті. 4 жыл қазақ тарихында мәңгі қалды.
Бүгінде 9 мамыр – Жеңіс күнін тәуелсіз елдің ұландары әр жыл сайын тойлайды. Біздің мектепте аталмыш мереке үлкен дәрежеде тойланады десем де болады. Барлық мектеп оқушылары қолдарында гүл шоқтарымен, ардагерлердің суретін аспанға көтере шеруге шығады. Ардагерлер сый-сияпат көрсетіп, Мәңгілік Алау тұсына гүлдерін қояды. Одан қалды, мектепішілік шаралар да бар. Әр сыныптан қабырға газеті шығарылады. Ардагерлермен кездесу, тәрбие сағаттары болады. Алғашқы әскери дайындық пәнінен небір жарыстар ұйымдастырылады. Міне, осылайша біз мектеп қабырғасында Жеңіс күнін тойлаймыз.
«Алтынемел ұлттық саябағы» туралы диалог құрастыру.
Мейіржан: Қазақ тілінен тоқсандық бақылау жұмысына дайындығың қалай болып жатыр, достым?
Алмасбек: Шамам келгенше барынша жақсылар дайындалуға тырысып жатырмын. Өзіңнің дайынлығың қалай?
Мейіржан: Жақсы, соңғы сұрақтардың бірі қалды.
Алмасбек: Алтынемел ұлттық саябағы туралы хабарлама дайындау ма?
Мейіржан: Иә, дәл өзі.
Алмасбек: Мен де қазір сол сұрақтың жауабын іздеп, ғаламтор беттерінен ақпарат іздеп отырмын. Кел, бірге іздеп, бірге дайындалайық?
Мейіржан: Бірге дайындалсақ, тіпті жақсы!
Алмасбек: Сонымен, энциклопедиядағы ақпарат «Алтынемел мемлекеттік ұлттық табиғи саябағы — Жетісу Алатауының оңтүстік сілемдерінің арасында орналасқан ұлттық табиғи саябақ».
Мейіржан: Мұны есте сақтау керек, маңызды ақпарат қой. Қай жылы ашылған екен?
Алмасбек: 1996 жылы Қапшағай мемлекеттік аңшылық шаруашылығы негізінде құрылған екен.
Мейіржан: Жақсы.
Алмасбек: Саябақтың өсімдіктер мен жануарлар дүниесі қандай екен, қарап көрші, мұны жазып, есте сақтап алайық?
Мейіржан: Саябақтың өсімдіктер дүниесі өте бай. Бұл жерде жоғары сатыдағы өсімдіктердің 1500 түрі, балықтың 20 түрі, құстардың 174 түрі, ал сүтқоектілердің 70 – тен астам түрі мекендейді екен.
Алмасбек: Жақсы. Бірге дайындалған тез, әрі оңай екен! Енді сұрақтарды бір қайталап шығайық.
