Өмірдің өзі де ұстаз. Бірақ осынау «ұстаз» сөзінің астарында мыңдаған білім мен ғылым, махаббат пен сүйіспеншілік жатқанын байқай бермейміз. Ұстаз болу кез келгеннің қолынан келе бермейді. Шәкірт тәрбиелеу, оны биікке жетелу, қанаттандыру, жаны мен тәнін, болмысы мен барын беру тек ұстаздың қолынан келетін қасиеттер.
Тарыдай болып кірген күніңізден бастап мектеп қабырғасында сіздің еркелігіңізді көтеретін де, қателіктеріңізді кешіретін де, сабақ бере отырып сүйіспеншілікке баурайтын да, махаббатқа тәрбиелейтін де, өмір сүрудің қыр-сырын үйрететін де ұстаздар қауымы. Таудай болып шыққан күніңізде де талабыңызға тілекші болып отыратын тағы да ұстаз.
Ұстаздардың еңбегін ұлы ететін өздері емес, шәкірті. Білім нәрімен сусындатып, үйретуден талмаған ұстаздың сан жылдар бойғы еңбегінің жемісі – аяулы әрі білімді шәкірт. Бәйгеден оза шауып, мыңнан тұлпар, жүзден жүйрік келген шәкірт үшін ұстаздың қуанышы сіз бен бізге елестетуге келмейтін сезім.
Алғаш мектеп табалдырығын аттаған күні сізді құшаяқ жая қарсы алған аяулы жанның екінші анаңыздай болып кетерін сезініп көрдіңіз бе?! Әрине, жоқ. Бірақ әрбір күн өткен сайын жаныңыздан табылып, әр аптаның жеті күнінде жеті рет көрісіп, көңіл ұясына тұрақтап қалған ұстазға деген махаббат өлмек емес.
Менің сүйікті спортым - хоккей.
Әркімнің өзіне жақын әрі сүйікті спорты болады. Біреулер жеңіл атлетикамен айналысқанды жақсы көрсе, енді басқалары футбол ойнауды ұнатып жатады. Ал менің сүйікті спортым - хоккей.
Хоккей – арнайы шыбық (клюшка) пен шайбамен немесе доппен ойнайтын спорт түрі. Яғни шайбалы хоккей және допты хоккей болып екіге бөлінеді.
Алғаш рет хоккейге ұқсас ойын түрін Голландияда ойлап тапқан екен. Ал қазіргі кезде бүкіл әлемде ойналатын спорт түрі Канадада пайда болған. Ойынның мақсаты - шайбаны (допты) қарсыластың қақпасына кіргізу. Ойын жиырма минуттық үш кезеңнен тұрады. Егер үш кезек бойы жеңімпазды анықтай алмаса, онда овертайм ойнатылады. Овертаймда да жеңімпазды анықтау мүмкін болмаса, онда буллиттер сериясы жарияланады.
Қаламызда өткізіліп тұратын хоккей ойындарын үзбей көремін және екі жылдан бері осы спортпен айналысып келемін. Болашақта хоккеймен кәсіптік деңгейде айналысқым келеді.
