Тіл — халықтың бар байлығы және бейнесі. Әр халық өз ана тілін біліп қана қоймай, құрметтей білуі де керек. Тілсіз ұлт болуы мүмкін деп ойламаймын. Тіл — ана сүтімен бірге еніп, балалық шағыңнан бастап, өмір бойы сенің қолдаушың әрі көмекшің болады.
Менің ана тілім — құдіретті әрі бай қазақ тілі. Қазақ тілі әлемдегі ең қиын тілдердің бірі болып табылады. Қазақ халқы түркі тілдес халық болып саналады. Қазақ тілінің құдыреті шексіз ғой! Әрине, қазақ тілінде де кей кемшіліктер бар. Олар паразит сөздер мен қате аудармалар. Паразит сөздерден арылсақ керемет болар еді! «мен уже тапсырмаларды орындап қойдым» деп айтып жатамыз. Бірақ қазақ тілінде «уже» деген сөз жоқ. Ол паразит сөз. Біз банан деген жемісті «сарықисық» деп аударып жатамыз. Бұлда дұрыс емес! Бұл қорлау демей немене?! Қазақ тілінің бай екенін паш ететін уақыт келіп жетті. Таза қазақша сөйлейтін уақыт жетті. Қазақ елінің ана тіліне барша ел таңғала қарайтынына мен сенімдімін. Қазақ тілі өте бай тіл! Мен ана тілімді мақтан тұтамын.
аңыз әңгімелердің бірінде былай дейді: «Төле бала бірде Әнет бабаға барыпты. Жасы жүзге келіп отырған Әнет баба ынтымақ, ел бірлігі жөнінде әңгіме айтып отырады. «Қалай еткенде бірлік болады, оның күші қандай болмақ?» дегенді сұрайды. Сонда Әнет баба әуелі жауап айтпас бұрын бір бума солқылдақ шыбық алдырады. - Балам, мынаны сындырып көрші? Төле буылған шыбықты олай-бұлай иіп сындыра алмайды. - Енді сол шыбықты біртіндеп сындыршы? Төле ортасынан буылған шыбықты шешіп, біртіндеп пырт-пырт еткізіп, оп-оңай сындырып береді. Әнет баба: - Бұдан не түсіндің, балам? - дейді. Сонда Төле бала: - Түсіндім, баба, бұл мысалыңыздың мәнісі: ынтымағы, бірлігі мықты елді жау да, дау да ала алмайды. «Саяқ жүрген таяқ жейді» демекші, бірлігі, ынтымағы жоқты жау да, дау да оп-оңай алады дегеніңіз ғой. - Бәрекелді, балам, дұрыс таптың. Ел билеу үшін алдымен елді ауыз бірлікке, ынтымаққа шақыра біл. «Бақ қайда барасың, ынтымаққа барамын» дегеннің мәнісі осы, - депті». Әнет баба Қалқаман-Мамыр дауы кезінде бірін-бірі сүйген екі жас жазадан босатылсын деген билік айтады, бірақ оған Мәмбетбай руының басшысы Көкенай батыр көнбейді. Ол Мамырды атып өлтіріп, «енді тентегіңді сен өлтір» деген ауыр шарт қояды. Көкенай батырдың шартына амалсыз көнген Әнет баба «Қалқаман жүйрік атпен шауып өтсін, Көкенай сонда атсын» деген тоқтамға келеді. Бұл жазадан Қалқаман аман құтылады. Шәкәрім Құдайбердіұлының «Қалқаман-Мамыр» поэмасында: «Әнет бабаң - Арғынның ел ағасы, Әрі би, әрі молда ғұламасы. Орта жүзге үлгі айтқан ғаділ екен, Сол кезде тоқсан беске келген жасы», - деп суреттеледі. 1723 жылы көктемде жоңғарлар шабуылы басталып, ел «Ақтабан шұбырындыға» ұшыраған кезде Әнет баба жұртта қалады. Кейін Көкенай бастаған батырлар ұлы бидің сүйегін тауып, Түркістандағы Қожа Ахмет Яссауи мазарына жерлеген. Алматы қаласы көшелерінің біріне Әнет баба есімі берілген.
