Хан Тәңірі шыңы
Қазақстан Республикасының Қырғызстан және Қытаймен шекарасындағы ең жоғарғы биік шыңы болып табылады, шамамен 7 мың метрдей. Әлемдегі ең әдемі шыңдардың бірі. Оның төртқырлы пирамида іспеттес формасы оған ерекше көрік береді. Шыңның бір жақ бетін мәрмәрлі қабырға безендірген. Оны бағындыруды көптеген туристер армандайды.
Бурабай курортық аймағы
Бурабай Көкше өлкесіндегі ғажап мекен. Мұндағы ең танымал жер Жұмбақтас десек, артық айтпаймыз. Оның тұрпаты бір қарағанда египеттік сфинксті, енді бірде кемпір кейпін, кейде сұлу қызды көргендей әсер қалдырады. Бурабай және Үлкен Шабақты көлдерінің арасындағы қылтадан табиғаттың керемет сұлулығын көре аласыз. Жаныңызды жадыратар жазда көл жағасында демалсаңыз, қыста көңіліңізді сергітер спорттық сауықтарға аударуға болады.
Шарын шатқалы
Бұл Қазақстанның өте көне және көркем жерлерінің бірі. Алматыдан шамамен 200 шақырым жерде орналасқан. Ұлттық паркінің құрамына кіретін Шарын шатқалы отандық және шетелдік туристерді таңғажайып көріністерімен тамсандыратыны рас. Шатқал 12 миллион жылға жуық шөгінді тау жыныстарынан қалыптасқан. Оның құздарының биіктігі 150-300 метрге жетеді. Мұнда өсімдік атаулының 1500 жуық түрі бар, 17-сі Қазақстанның Қызыл кітабына енген
Айша Бибі-шамамен 11-12 ғасырларда өмір сүрген,ақылына сұлулығы сай ару қыз.
Қарахан-орта ғасырда найзамен елін,жерін қорғаған,талай алыпты тағынан түсірген батыр.
Екеуі бір-бірін ұнатып,қосыла алмаған ғашықтар.Айшаны жылан шағып қайтыс болады,ескерткіш ретінде Қарахан мазар салғызады.Қазіргі Жамбыл облысындағы Айша-Бибі мазары сол мазар.Мазардың жанына Қарахан өзінеде мазар салғызып,бар өмірін ақ киіп Аллаға жалбарынумен өткізген.Айша-Бибі мазарының қасындағы Әулие Ата мазары сол Қарахан батырдың мазары.
