Кез-келген адамның өз қиындығы, яғни әлсіз тұсы болады. Кейбіреуі онымен өмір бойы арпалыса, кейбіреуі сол қиындыққа көндігіп, беріле салады. Бірақ, өз қиындығың жеңе білген адам ақылды әрі мақсаты айқын адам. Қиындықты жеңу жолында кедергілермен қоса, бар қасиетімізден де айырылуымыз мүмкін.
Қиындық мен үшін бұл – жалғыздық. Иә, дұрыс түсіндіңіз! Мен жалғыз болудан қорқамын. Жалғыздық — басқа адамдардан оқшаулаған, өзгерген жағдайға ұшыраған адамның эмоциялық күйіне ықпал ететін психогендік факторлардың бірі. Кей жағдайларда жалғыздық мен үшін ең жаман нәрсе болып саналады. Ал, қазір бұл қорқынышымды толық жеңдім деп айта аламын.
Біріншіден, егер сіз өзіңізді жалғыз сезініп қорықсаңыз, айналанызға мән берініз. Соның ішінде сіздің жақын сырлас досыңызда болуы мүмкін. Олай болмаса ол адам сізбен дос болғысы келеді. Яғни менің айтқым келіп отырғаным, жалғыз болғыңыз келмесе, алғашқы қадам жасаңыз. Достасыңыз, араласыңыз немесе тіпті сырласыңыз. Дәл қазірден бастаңыз, ол адамдардың біреуі жаныңызда болуы ғажап емес.
Екіншіден, адам ешқашан жалғыз болмайды. Адамды жалғыз қалдыратын өз басыңдағы кері пікірлер. Әрине біз ол туралы ойлаңбауымыз қажет. Бұл бойдағы жаман қасиеттен арылуға тең. Сіз осылай істеу арқылы, жалғыздықты жеңе аласыз.
Үшіншіден, тек өз пікіріңізбен ғана қалуды шектеңіз! Ерекшеленбеңіз деген сөзім емес. Керісінше, айналаңызға назар аударыңыз. Оларды да бір сәтке болсын тыңдаңыз, қолдаңыз. Сонда ғана сіз өзіңіздің ойыңызға ұқсайтын адамды таба аласыз. Яғни, жалғыздықты жеңеміз.
Көз майын тауысу – көп оқу арқылы білімге ұмтылу. Синонимі: көзі ашылу.
Ит арқасы қиянда – алыста. Синоним:жер аяғы қиянда, ит өлген жер.
Инемен құдық қазу – ауыр. Синонимі: қабырғасы қайысу.
Жүрегі жарылу – қатты қуану. Синонимі: төбесі көкке жету.
Жерден жеті қоян тапқандай – үлкен қуаныш. Синонимі: екі езуі екі құлағына жету.
Маңдай терін төгу – қажырлы еңбек ету. Синонимі: жердің жарығын бітеу.
Қиындықта шыңдалу – қиындыққа қарсы тұру. Синонимі: ыстық-суықты көру.
Тағылымдамадан өту – тәжірибе жинау. Синонимі жоқ.
Биік дәрежеге жету – биік деңгейге көтерілу. Синонимі: беделі көтерілу.
Менің ойымша, "Ғажайып планета" әңгімесі фантастикалық жанрда жазылған әрі жазушының маңдай терін төгіп жазғаны көрініп тұр. Фантастикалық жанрда шығарма жазу инемен құдық қазғандай десе де болады. Әңгімедегі таныс емес атаулар, құбылыстар сипатын ерекше жеткізе алу деген шеберлігінен автордың көз майын тауысып іздегенін, қиялға ерік бергенін көрдім.
Осыған байланысты мен адамзат қиялында шек жоқ және біз білмейтін ғаламның қаншама сыры бар деген түйін жасағым келіп отыр. Осындай шығармалар арқылы қазақ әдебиеті биік дәрежеге жетеді деген үміттемін.
