Дұрыс келетін сөздің астын сыз немесе оларды дөңгелекпен қорша. Бүгінгі (сәттілік, сәтті) күні біз отбасымызбен жорыққа аттандық.
Орманға жақындап қалдық. (биіктік,биік) қарағайлардың астына шатыр
құрдық. Анашым мен әпкем бізге арнап (дәмді, дәмдес) түскі ас пісірді. Ал
әкем екеуіміз балық ауладық. (толық, толған, толымды) бір күн бойы біз
орманда болып, үйге жайдары көңіл-күймен оралдық.​

Медеу
Биік шың, шырша — таулардың көркі, байлығы,

Ұмытар мұнда келгендер мұң мен қайғыны.

Делебең қозып тұрасың елтіп бұл жерде

Жарқырап жатқан шақырып мұздың айдыны.

(Ақұштап Бақтыгереева, «Медеу»)

Тарих қойнауына көз жүгіртсек, «Медеу» мұз айдыны 1972 жылы бой көтеріпті. 1970 жылы 6 қаңтарда КСРО Министрлер Кеңесінің арнайы қаулысымен Алматыда мұз айдынның құрылыс жұмыстары басталды. Небәрі екі жылдың ішінде салынып біткен «Медеу» 1972 жылы 28 желтоқсанда пайдалануға берілді. «Медеудің» бас архитекторы — Владимир Кацев.

"Байқоңыр" ғарыш айлағы Қызылорда облысы Қармақшы ауданында орналасқан. Оның негізі 1955 жылы қаланған. "Байқоңыр" ғарыш айлағын салу үшін бұл жердің елді мекендерден қашық болуы, экватор жазықтығына жақындығы, ракета ұшырудың қауіпсіздігі, қолайлы қону факторлары ескерілді.
Байқоңырдың ұшу трассасы Арал теңізінен Камчатка түбегіне дейін созылып жатыр. 1957 жылы Байқоңырдан тұңғыш ғарыш ракетасы сәтті ұшырылды. Ол дүние жүзіндегі ең бірінші Жердің жасанды серігін орбитаға шығарды.
Байқоңыр әлемдегі ең ірі ғылыми ғарыш полигоны болып табылады. Байқоңырдан Күннің, Айдың, Шолпанның алғашқы жасанды серіктері, "Восток", "Восход", "Союз", "Прогресс" ғарыш кемелері ұшырылды.