Биылғы жылғы қызық оқиғалар
Биыл жазғы демалыс басталысымен мен ауылға кеткен болатынмын. Ондағы достарыммен талай қызықты бастан кештік. Солардың біреуін айта кетейін.
Күндердің бірінде біздің үйдің қой кезегі келіп, мені атам мен әжем қой бағуға жібереді. Мен жаныма досымды ертіп, біріміз атқа мініп, біріміз есекке мініп, бір отар қойды айдап кеттік. Жарты күн өтіп, түскі тамақты ішіп алған соң, досымның ұйқысы келіп, маған «кезектесіп ұйықтайық» деп, өзі жатып қалды. Мен біраз табиғатты тамашалап, қойларды бақылап отырғанымда қалай ұйықтап кеткенімді де білмеймін. Бір кезде оянсам, отар қойымыздың біреуі де жоқ. Досымды оятып, екеуміз не істерімізді білмей, әбден састық. Амал жоқ, ауылға қайта келуге тура келді. Не деп айтарымызды да білмейміз. Бір ауылдың қойы із түзсіз жоқ. «Енді қайттік?» деп еңсеміз түсіп келе жатқанда көрші үйдің қорасының алдында тұрған қойды көрдік. Не қуанарымызды, не жыларымызды білмей, қораға жақындап келсек, әлгі үйдің қойлары түгел орнында. Досым екеуміз аң - таңбыз. Бұл сонда қалай болғаны? Қойлардың өздері қайтып кетуі мүмкін емес. Сөйтсек, ауылда қалған достарымыз келісіп, осылай әзілдеспек болған екен! Мұны естігенде, әрине, алдымен достарымызға біраз ренжідік. Бірақ уақыт өте келе, бұл әзіл есте қаларлықтай оқиға болды.
Мұхтар Әуезов туралы диалог.
– Сәлем, Арман! Қалайсың?
– Сәлем, Берік! Жақсымын, өзің ше?
– Менде де бәрі жақсы. Қай жерден келе жатырсың?
– Кітапханадан. Әдебиеттен үйге М.Әуезов туралы біліп келуді тапсырған.
– Солай ма? Біз ол туралы кеше өтіп кеттік. Қаласаң, мен саған сұрақтар қояйын, сен жауап бер. Жарай ма?
– Жарайды.
– Ендеше, М. Әуезов кім? Қарапайым болса да, толық жауап бер, достым.
– Қазақтың ұлы жазушысы, ғұлама ғалым, қоғам қайраткері, филология ғылымдарының докторы, профессор. Қазақстан ғылым академиясының академигі, Қазақ КСР еңбек сіңірген ғылым қайраткері.
– Дұрыс. Бала Мұхтардың атасы Әуез Құнанбайдың кімі?
– М-м...Құнанбайдың кіші әйелі Нұрғанымның туған інісі. Дұрыс па?
– Иә. Ол Семейдегі орыс гимназиясында қанша жыл оқыған?
– Бес жыл оқыды.
– Жарайсың! Жазушының жиырма жасында жазған туындысы?
– Бұл – "Еңдік-Кебек" пьсесы ғой.
– Ал "Абай жолын" жазуға қанша уақыт кеткенін білесің бе?
– Жоқ, білмейді екенмін.
– Олай болса тыңда.Әуезовтің "Абай жолы" эпопеясын жазуға 30 жыл уақыты кетті. Он тоғыз жасынан Абай туралы жазуды ойға алып, он жеті жыл үздіксіз ізденіп, он екі жыл ішінде жазып шықты.
– Рақмет, Арман! Ертеңгі сабаққа дайынмын.
– Оқасы жоқ. Жақсы нәтиже көрсет, достым. Сау бол!
– Сау бол!
