Мен ән айтуды ұнатамын. Мәнді, мағыналы әндер айту арқылы халықтың өнерге деген талғамын жоғары еткім келеді. Бүгінде әнші көп. Бірақ жаңадан шығып жатқандардың көбі әннің мағынасына көңіл бөле бермейді. Ән арқылы не айтқысы келетінін де білмейтіндер көп. Сондықтан қазақ өнерін мәнді, жақсы әндермен толықтырсам деймін. Оған қоса биді де ұнатамын. Жалпы а ң жан жақты, өнерлі болғаны, алға ұмтылғаны дұрыс.
Өнер иесі болғандықтан адам жан-жақты болуы тиіс. Сондықтан мен ең алдымен білімімді жетілдіріп, өзімді мәдениетті, білімді, өнерлі, адамгершілігі мол ете түскім келеді. Халықпен өнеріңмен бөлісу үшін, өзіңе талап қоя білуің керек деп ойлаймын. Жоғарыда аталған дүниелер бойымда болмаса, онда өнердің де қасиетін кетірерім анық. Өнерлі болу арманым болғандықтан, халқыммен тек жақсымен бөлісу үшін өзімді шыңдай түскім келеді.
Ғаламтор туралы диалог құрастыру.
Ағасы: Бауырым, осы соңғы кездері ғаламторға тәуелділік қоғамдағы ең үлкен мәселеге айналып отыр. Осы жайлы не ойлайсыз?
Інісі: Ия, дұрыс айтасың. Ғаламтор пайда болғаннан бері адамдардың өмірін жеңілдетіп, барша сұрақтарға жауап табуға мүмкіндік пайда болды. Ғылым мен техниканың дамыған заманында өз өмірімізді компьютерсіз елестету қиын.
Ағасы: Дегенмен, бұл құрылғының пайдасымен қатар зияны де аз емес. Ең басты зияны - ол денсаулыққа тигізетін зияны. Компьютер алдында ұзақ отыру көз бен омыртқаға аса үлкен зақым келтіреді. Сондықтан да компьютерда көп жұмыс жасайтын адамдарға арнайы көзілдірік киіп, отырған кезде де арқаны тік ұстауға тырысу керек. Сонымен қатар уақтылы үзіліс жасау керек.
Інісі: Осындай келеңсіздіктер орын алмауы үшін, компьютерді тек керек кезінде немесе күніне 1 - 1,5 сағаттан аспайтын уақыт қолдану керек деп ойлаймын. Мен өзім осы ережені сақтап, қалған бос уақытымда анама көмектесемін.
Ағасы: Сондықтан ғаламторды тек қажет уақытында пайдалану керек деп деп ойлаймын. Ал басқа бос уақытыңды пайдалы іске арнап, ата – анаңа, бауырларыңа көмектесіп немесе спортпен айналыссаң болады. Кітап оқысаң, тіпті жақсы, нұр үстіне нұр болар еді.
