Объяснение:
библиотека
материалов
«Адам досымен мықты, ағаш тамырымен мықты»
Дос деген – өміріңде ерекше орын алатын, жүрегіңде өшпестей есімі жазылған адам. Досты таңдамайсың, дос өзі өмірдің түрлі жолдарында кездеседі. Дос көп болуы мүмкін, бірақ шынайы дос табу – қиынның қиыны. Жалпы, жақсы дос болу үшін үнемі бір-біріңді тыңдап, көзқарастарыңды, ойларыңды ортаға салып отыру қажет. Нағыз дос адамға шабыт беріп, өмірдің түрлі қиыншылықтарына мойымауға, күресе білуге үйретеді. Достықта ең басты қасиет – сенім. Сенім болған жерде достық та мәңгілік болады. Бар ақтарған құпияңды, сырыңды шашпай, сақтай білу кез-келген достың қолынан келмейді. Міне, осындай сенімге кірген адам сенің ең жақын рухани қорғаушыңа айналады. Достық пен сатқындық, достық пен өзімшілдік мүлдем сыйыспайды. Достыққа қарама-қарсы ұғым – қастық пен күншілдік. Мұндай сезімге ерік алдырғандар басқаның қуаныш-қызығын, ырыс-бағын көтере алмайды, дос дегеннің не екендігін білмейді. Достықта ешқашан санаспайды, қайтарымды талап етпейді. Шынайы дос бола білген адамның достары да көп болады және жер бетінде өзін жалғыз сезінбейді. Қазақ халқы «Адам досымен мықты, ағаш тамырымен мықты», «Досы жақсының өзі де жақсы», «Дос –ажарың, жолдас − базарың» деп бекер айтпаған. Достық – бұл өмірдегі ешнәрсемен бағаланбайтын құндылық. Дос табу оңай, ал оны сақтау одан да қиын. Достық қатынасқа нәзіктікпен қарап, берік сақтау керек. Достықты сақтай білу үшін көп еңбектену керек. Оның сақтаушысы − адалдық пен шынайылық. Ең бастысы, досыңа адал болып, оны жалғыз қалдырмауың керек. Өмірде байлық емес, шынайы, адал дос табуға тырысу керек. «Досы көпті жау алмайды» демекші, досың көп болса жүрегің тыныш, мінезің жайдарлы, ақылың ұшқыр болады. Шынайы достар қиындықта үнемі қолдап, өмірдің түрлі соқпақ жолдарында адастырмайды. Адам алдындағы басты мақсат – иманды болу, өнегелі ұрпақ қалдыру, адамдармен жайдарлы мінез-құлық таныту болып саналады. Өткен өміріңе көз жүгірткеніңде сенің жиған байлығың маңызды емес, жаныңнан әрдайым табылатын жақындарың және адал достарың қымбат, себебі шынайы досы бар адам – бақытты адам.
1)Құрмаш көксерекке қамқор болды.Ол жұрттың сөзін тыңдамай көксеректі өсірді.Әжесі,әкесі қарсы болсада баланың қасқырға деген махаббаты қасқырды өлтіруге жол бермеді.
2)Әңгіме қасқырды кішкентай кезінен асыраған Құрмаш өзі қасқырдың құрбаны болғанымен аяқталды.
3)Әңгіме аяқталғанда өте аянышты сезімде болдым.Себебі Құрмаш көксеректі кішкентай кезінен бастап бағып қағып басқа ауыл итерінен қорғап өсірді,бірақ соңында қасқыр оны өлтірді.
4)Адам мен қасқыр арасында мүлдем достық болмайтын,оны қанша асырасаңда ит пен адам арасындағы достық сияқты болмайтынын,қасқырды асырауға болмайды деген ой туды.
