кз таблица Міне, 2020 жылы Ұлы Отан соғысының аяқталғанына 75 жыл болды. Отанын қорғаған жауынгерлердің батырлығы мәңгі есімізде қалмақ.
1941-1945 жылдардағы Кеңес Одағының Ұлы Отан соғысы екінші дүниежүзілік соғыстың құрамдас бөлігі ретінде тарихқа мәңгі енді. Бұл соғыста Қазақстандағы әр отбасынан жүздеген мың адам қолына қару алып, ұрыстарға қатынасты. Кеңес Одағымен жасаған келісімді фашистік Германия 1941 жылы 22 маусымда бұзып, соғыс жарияламастан КСРО аумағына аяқ астынан басып кірді. 1940 жылдың орта кезеңінде-ақ (18 желтоқсан) Гитлер КСРО-ға басып кірудің «Барборосса жоспары» деп аталатын стратегиялық жоспарын жасауға кіріскен болатын. Германия империясы шикізат үшін, азық-түлік базасы ретінде қуыршақ мемлекет құруды көздеді. Қазақстан халқы Отан қорғаушылар қатарына өз еркімен жаппай жазыла бастады. Мысалы, Алматы медицина институтының студенті Мәншүк Мәметова әскери комитетке өтініш берді. Республика бойынша 2 миллионнан астам адам әскери даярлықтан өтті.
Соғыс жылдары қазақ халқы Отанына, жеріне деген патриоттық сезімін, ұлттық мақтанышын дәлелдеді. Бес жүзден аса жерлесіміз қатысып, 97жауынгер қазақ « Кеңес Одағының Батыры» атағын алды. Олар Талғат Бигелдинов, Сергей Луганский, Мәншүк Маметова, Әлия Молдағұлова және көптеген батырлар. Бейсекбаев Бақтыораз –әуе атқышы, Қазақстан Республикасының Халық Қаһарманы, Ресей Федерациясының Батыры. Ең жас қазақ жауынгері Жәнібек Елеусізов 18 жасында «Кеңес Одағының Батыры» атағын алған. 1945 жылы Рейхстагқа ту тіккен Рақымжан Қошқарбаев 1999 жылы «Халық Қаһарманы» атағын алды. Талғат Бигелдинов — Авиация генерал-майоры, Кеңес Одағының екі мәрте батыры. Хиуаз Қайырқызы Доспанова Екінші дүниежүзілік соғысының қазақтан шыққан жалғыз әйел-ұшқышы, жауынгер, батыр, Қазақстан Республикасының Халық қаһарманы. Бауыржан Момышұлы Кеңес одағының батыры, жазушы, Екінші дүниежүзілік соғыстың даңқты жауынгері, әскери қолбасшы, стратег және тактик, батальон командирі. Бұл –Қазақстанның бүгінгі жауынгерлері үшін мақтан тұтарлық үлгі. Қазіргі таңда осы батырларымыздың атында көшелер, училищелер, мектептер, бар.