3-тапсырма Мәтіннен 5 сын есімді тап, оларды қатыстырып «Бос уақытымды қалай өткіземін?» тақырыбына мәтін құрап жаз. (15-20 сөйлем) Уaқыт – бұл біздің өтіп жатқан өміріміз. Біз мұны көбіне біле бермейміз. Уақытымыз өтсе қуанамыз. Адамның босқа кеткен уақытын кері қайтару мүмкін емес. Біз өзіміз уақытты үнемдеп, босқа жібермеуге тырысуымыз керек. Мен үшінші сыныптың оқушысымын. Өз уақытымды құр босқа өткізбеуге тырысамын. Әрдайым сабаққа дайындалып жүремін. Бос уақытымда көркем шығармалар, қызықты ертегілер оқимын. Әртүрлі үйірмелерге қатысамын. Кейде уақыттың қалай зымырап бара жатқанын түсінбеймін. «Уақыттың бос өткені – өмірдің бос өткені» деп бекер айтпаған. Біз уақытымыз бен күш-қуатымызды дұрыс жұмсай білуге үйренуіміз керек. Біз үшін ең қымбат нәрсе – уақыт. Себебі, алтынды кез-келген уақытта сатып алуға болады. Ал уақытты ешқашан тоқтата алмаймыз. Әрбір сағатымызды дұрыс өткізіп, әрбір жұмысымызды дұрыс жоспарлап отыруымыз керек. Алтын уақытымызды жақсы істерге жұмсайық. Өскенде неге мектепте жүргенде уақытымды тиімді пайдаланып оқымадым деп өкініп қалмайық. Уақыт бізге берілген үлкен сыйлық. Алтын уақытымызды қадірлей білейік.