Ойтаразы. «ПОПС» формуласын қолданып, өлеңдегі «Бір тамаша той қылып өткеремін» деген өз пікірлеріңді білдіріңдер. Бірінші сөйлем. Менің ойымша, ... .
Екінші сөйлем. Себебі мен оны ... деп түсіндіремін.
Үшінші сөйлем. Оны мен ... деген фактілермен, мысалдармен дәлелдей аламын.
Соңғы сөйлем. Осыған байланысты мен ... деген түйін жасадым.

«Келешегіміздің кілті - бүгінгі шәкірттеердің қолында, ал шәкірттердің тағдыры ұстаздардың қолында», - деген Елбасымыз Н.Ә.Назарбаевтың ұлағатты сөзін ескере отырып «Болашақтың тағдырын шешетін - білім ордасы» дегенді өзімнің осы жұмысыммен айтқым келеді. Сондықтан менің суретімнің негізгі символы «Білім ордасы» болып табылады. Білімнің арқасында барлығына қол жеткізуге болады. Осы білімнің арқысында біз қазір көлікпен жүреміз, әуеде ұшамыз, кемеде жүземіз ұялы телефонды қолданамыз, жаңа инновациялық жетістіктерге қолымызды жеткіздік және білім жолында әлі де кереметке қол жеткіземіз. Осының барлығының бастауы білім. Білімсіз ел дамымайды. Мен осы суретпен өз ойымды халықыма жеткізгім келеді.
Суретте «Білім ордасына» келетін жеті жол бар. Қазақтардың таным-түсінігінде жеті санының алар орны ерекше. Жолдар арасында бір-біріне ұқсамайтын «аспалы бақ» сияқты ерекше әсем табиғат – бақтар келтірдім. «Білім орданы» айнала баспалдақпен көтерілгенде «Галикарнас мұражайындағындай» биік мұнаралар, жалпы саны жиырма бес. Жиырма төрт мұнара қазақ елінің даңқын көтерген Керей мен Жәнібектен басталған хандар болса, жиырма бесінші қазіргі таңда бейбітшілікте елімізді әлемге танытып отырған ел басшымыз Н.Ә.Назарбаев. Яғни қазақ елінің ұлы тарихы тұлғаларымен теңестіріп алынды. Ғимараттың өзі математика ғылымының негізгі пішіндері шеңбер, төрт бұрыш, үш бұрыштан құрастырылды. Ендеше ғимараттың негізгі бөлігі шеңберлі болса, шаңырағы төрт қырлы, пирамидаға ұқсаған, қай жағынан қарасада үш бұрышты болады. Суреттегі ою – «Өнер-таусылмас қазына, жұтамас-байлық» белгісі.
«Білім ордасының» ішіне саяхат жасасақ, негізгі үш бөліктен тұрады. Бірінші бөлік ең астында 2 қабаттан, спорт және мәдениетке берілсе, екінші бөлік негізгі ғылымдардың дәріс берер төрт бөліктен тұрады. Оның 1- бөлігі гуманитарлы, 2- бөлігі математикалық, 3- бөлігі жаратылыстану, 4- бөлігі жалпы зертханалық бағытта жұмыс жүргізіледі. Пирамида мүсінді шаңырағы да 2 қабаттан тұрады. Бірінші қабат жиын, конференция, концерт залдарынан тұрса, екінші қабаты ғимараттағы ең үлкен бөлік кітапханаға арналады.
Әлемде талай қызықта, кереметте бар, осы жұмысымды жасау үшін мені таңқалдырып, әрі терең ойға батырған әлем кереметтері. Сол әлемнің кереметі деп отырған кереметтерді салу үшін де білімді қолданды емес пе? Ендеше неге мектеп әлем кереметтерінің қатарына қосылмайды екен? Неге? Неге? Деген сұрақ ойымнан кетпей қойды. Міне сондықтан әлемнің кереметінің бірі бола алатын «Қазақстандық білім ордасы» болсын деген ниетпен салынды. Ендеше, мен жас ұрпақ Болашақ мектеп «Қазақстандық білім ордасы» бұл да білім мен мәдениетке толы ошақ боларына сенемін.

Құрамында еліктеу сөздері бар жұмбақтар

Маң-маң басып келеді,

Тапырақтап желеді.

Мойны ұзын, үсті тау,

Ертеден елге бел еді.

Түйе

Жылт-жылт етеді,

Жылғадан етеді.

                                     (Су)

Үлп-үлп етіп тымағы,

Желп-желп етіп құлағы,

Суды кешіп тұрады.

                                              (Құрақ)

Маң-маң басқан, маң басқан,

Шудаларын шаң басқан.

Екі өркешін қом басқан,

Алабота, теріскен,

Мұрындығы келіскен,

«Шөк!»- дегенде, «бық!» -деген,

Шешіп үйін жүктеген,

Бұл не деген жануар?          

                                                  (Түйе)

Балпаң-балпаң басады,  

Адамнан қатты сасады.

Саусақтары салалы,

Қыста жылыға қашады.

                                                               (Қаз)

Айдаһар аузын ашса, арс етеді,

Гауһары жерге түссе, жарқ етеді.

                                                            (Найзағай)

Қара бием қалт етті,

Қабырғасы жалт етті.

                                                            (Шалғы)

Беті үлкен тым-ақ өзге денесінен,

Бұлаңдап түсіп шығар кемесінен,

Ішіне қарын-қарын суды құйып,

Шығады сүңгіп-сүңгіп денесімен.

                                                          (Ожау)

Бас аяғы теп-тегіс боп біткен,

Селкілдесе денесі дір-дір еткен.

Өзіне қандай жуан кез келсе де,

Күшімен қақ айырып бөліп кеткен.

                                                        (Темір ара)

Былқ-былқ ,былқ семіз,

Қабырғасы жоқ семіз.

                                                        (Қамыр)

Сулы жерді мекендеп,

Құрлықта да секеңдеп,

Шыбын-шіркей аңдиды,

Жемге қашан жетем деп.

                                                          (Бақа)

Топтанып келе жатыр қара қабан,

Ойлаған жерлеріне тынбай барған.  

Аузынан қара көбік бұрқ-бұрқ шығып,

Болдырып шаршамайтын сондай айуан.

                                                          (Паровоз)

Елу тентек тып-тыныш,

Бір сарайда жатады.

Тысқа шықса біреуі,

Жарқ етіп от шашады.

                                                         (Сіріңке)

Жылт-жылт етеді, ұстасаң еріп кетеді.

                                                         (Мұз)

Аяғы жоқ жүреді, сылқ-сылқ етеді.

                                                         (Су)

Көк көйлекті жеңешем көлбең-көлбең етеді.

                                                        (Түтін)