«Досыңа ащы да болса шындықты айтқан дұрыс» шағын эссе.
«Шындық жеңер өтірікті ғаламда,
Жоламағын өтірік айтар жаманға.
Ойнап, күліп өмір сүрген тірлікте,
Ащы болса да, шындық қымбат адамға» деген өлең жолдарында айтылғандай, қай уақытта болмасын досыңа шындықты айтқан дұрыс, себебі «өтіріктің құйрығы бір – ақ тұтам» демекші, жалған айтылған нәрсенің беті ашылған кезде досыңның саған деген көңілі қалып, ендігәрі саған сенімсіздікпен қарауы мүмкін. Сондықтан да достық қарым – қатынасты сақтау үшін әр уақытта шындықты айтқан дұрыс. Оның үстіне дос бізге ең жақын адамдардың бірі, сондықтан қандай да болмасын ауыр әрі ащы шындықты өзгеден емес, досыңнан білген әлдеқайда жеңіл түседі деп есептеймін. Оның үстіне артынан бұл мәселе туралы кеңесіп, ақылдаса да аласыздар. Және менің ойымша, шынайы достық әуел бастан шынайылық, сыпайылық, сенім, адалдық секілді қасиеттерге құрылуы тиіс. Міне, сонда ғана нағыз достық қарым – қатынасы орнап, бұл өмірлік достыққа ұласуы мүмкін. Өмірде адал дос табу, достық қарым-қатынастарды сақтай білу өте маңызды. Себебі әрқайсымыз достыққа мұқтажбыз, ол ешқашан көптік етпейді. Сондықтан да адамдардың алыстататын өтіріктен аулақ болып, шындыққа жақын болайық.
