Шампиньондардан салат жасау
Бізге қажет болады: - 250 гр консервіленген шампиньондар - көк пияз - 2 ірі жұмыртқа Жұмыртқаларды алдын ала пісіріп алыңыз. Шампиньондарды майдалап тұралған пияздармен қоса аз майға қуырыңыз. Піскен жұмыртқаларды аршып, сарысын алып тастап ағын ірілеп тұраңыз да, қуырылып жатқан шампиньондарға қосыңыз. Бәрін бір-екі араластырып сәл ғана қуырыңыз. Сервис жасайтын табақтарыңызға қойған соң, үстіне жұмыртқаның сарысын үгіп салыңыз. Жұмыртқаның сарысын бірден араластырып қойсаңыз да болады. Асыңыз дәмді болсын!
Ілияс Жансүгіров.
Қазақ поэзиясының құлагері, "үш бәйтеректің" бірі, ақын, прозаик, драматург, сатирик, қоғам қайраткері, өнертанушы Ілияс Жансүгіров 1894 жылы Алматы облысының Ақсу ауданының төртінші ауылында дүниеге келген.
Ілияс поэзиясы - қазақ әдебиетінің байлығы. Ілияс Жансүгіров өз шығармаларында адамгершілік пен ұлттық болмысты насихаттауға бар күш - жігерін салған.
Ілияс Мәскеуде білім алған қазақтар арасындағы алғашқы кәсіптік журналист болған еді.
Ілияс Жансүгіров - қазақ әдебиетінің барлық жанрларында қалам тартып, елеулі туындылар берген әмбебап дарын. Кемеліне келіп, ақындық бәйгесінде арындап алға шыққан шағында Ілияс та тоталитарлық жүйенің құрбаны болып, мұрттай ұшты. Әйтсе де әмбебап дарын айналасы 10 жылда проза мен драматургияда, әсіресе поэзияда әдебиетіміздің алтын қорына жататын айтулы туындылар беріп, артына аса мол көркем мұра қалдырды.
Біртуар дарын иесінің атын есте қалдыру мақсатымен Алматы облысының орталығы Талдықорған қаласында Жетісу мемлекеттік университеті, мәдениет сарайы, мұражай, көше, аудандарға Ілияс Жансүгіров есімдері берілген.
