Объяснение:
Тіл адамдардың сөйлесуі үшін кеңінен олданылатын ақпарат алмасу құралы. Ал адамның ана тілі, яғни мемлекеттік тілі нені білдіреді? Менің ойымша, тәрбиенің ең төменгі сатысы осы тілді құрметтеуден басталуы керек. Әр адам үшін оның мемлекеттік тілі адам өміріде үлкен рөл атқарады. Сондықтан оны құрметтей білу, өз ана тілін жетік меңгеру әр адамзаттың борышы болмақ. Осыдан соң көкейімде мемлекеттік тіл мен үшін не? деген сұрақ туындады. Сонымен, мемлекетті тіл менің өмірім деген ұстанымға тоқталдым. Өйткені, егер тілім болмаса мен кім болар едім? Сөздің ала жігін ажырата алмайтын адам болып өсер ме едім? Қазақ тілінің бар кереметін сезіне де алмас едім.
Әрбір адам үшін ең асыл қазына- отанын, туған елін сүю. Халық батыры Бауыржан Момышұлы былай деген екен: «Біздің тарихымыз батырға бай тарих, халқымыз батырлықты биік дәріптеп, азаматтық пен кісіліктің символы, үлгісі санаған. Батырлық , ерлік деген ұрпақтан ұрпаққа ата дәстүр болып қала бермек. Өткенін білмеген, тәлім — тәрбие, ғибрат алмаған халықтың ұрпағы — тұл, келешегі тұрлаусыз. Біздің қазақ халқы — батыр халық».
Қазақ халқын құрып кету қаупінен сақтап қалған, жерін жауға бермей, ұлан байтақ өлкесін қазақ еліне мәңгі қоныс ету мақсатында жарғақ құлағы жастыққа тимей, елім деп еңіреп өткен хас батырлар қаншама десеңізші! Бұлардың ерлігі біздерге қашан да болса өнеге болмақ. Әрбір адам біздің мемлекетімізге, соның бай да даңқты тарихына, оның болашағына өзінің қатысты екенін мақтанышпен сезіне алатындай еңбек етуі қажет. Отаншылдық сезім ертеден қалыптасқан, ескірмейтін, мәңгілік, қасиетті ұғымды Отанға деген сүйіспеншілік, бойындағы бар күш – қуатын, ерік-жігерін Отан игілігі мен мүддесіне аямай жұмсау, туған жерін, қасиетті ана тілін, елдің әдет-ғұрпы мен салт-дәстүрін құрметтеу деп түсінемін.
