Еттен қарын бөртпе, қимай, қуырдак, ми палау, сорпа, сірне, үл першек, шұжық, қазы жөне т.б. тағамдар өзiрлеген. «Ағы бардың бағы бар» деп қазақ халқы сүт тағамдарын да ерекше қастерлеп, құт-береке, несібе деп киелі санаған. Абайсызда ақ төгілсе, оған саусағын малып, маңдайына жағып, ырыс-құт кетпеу ырымын жасайды. Түйе мен биенің сүтінен қымыз, шұбат, сиырдың сүтінен айран ұйытып, сарымай шайқап, қатық, сүзбе, құрт сүзіп, ақ ірімшік, қызыл ірімшік, ежiгей қайнатып, алуан түрлі тағамдар әзірлеген. Шөл қандыру үшін айранға су қосып, шалап жасаған. Халық егіншілікпен айналысып, бау-бақша өсіріп, отырықшы- лыққа бет алған дәуірден бастап, нан, жеміс, көкөніс тағамдары тұрақты мәзірден орын алды. Астықтан дайындалатын негізгі тағам- ның түрлері – бауырсақ, нан, шелпек, тоқаш. Тарыдан да сан алуан тағам түрлерін әзірлейді. Қазақ үшін дәмнен, дастарқаннан үлкен нәрсе жоқ. Дастарқан ба- сындағы сұхбат-әңгіме, ән-жыр – қазақ мәдениетінің мәйегі іспеттес. 5-тапсырма. Мәтін бойынша «Қос жазба» күнделігін толтыр. Түсіндір. Үзінді Түсініктеме